న్యూఢిల్లీ, జూలై 11: దేశీయ ప్రైవేట్‌రంగ బ్యాంకింగ్ సంస్థ సౌత్ ఇండియన్ బ్యాంక్ నికర లాభం ఈ ఆర్థిక సంవత్సరం (2017-18) తొలి త్రైమాసికం (ఏప్రిల్-జూన్)లో గతంతో పోల్చితే 6.7 శాతం పెరిగి 101.47 కోట్ల రూపాయలుగా నమోదైంది. గత ఆర్థిక సంవత్సరం (2016-17) ఏప్రిల్-జూన్‌లో ఇది 95.06 కోట్ల రూపాయలుగా ఉంది. ఇక ఆదాయం ఈసారి 1,709.97 కోట్ల రూపాయలుగా ఉంటే, పోయినసారి 1,620.67 కోట్ల రూపాయలుగా ఉంది.

హైదరాబాద్, జూలై 11: విద్యుత్ సంస్థల పారిశ్రామికవేత్తలకు తెలంగాణ రాష్ట్ర ప్రభుత్వం మరో వెసులుబాటు కల్పించింది. 650 వోల్టెజీలకుపైన ఉండే పరిశ్రమలు నెలకొల్పే పారిశ్రామికవేత్తలకు విద్యుత్ క్లియరెన్స్ సర్ట్ఫికెట్లను 14 రోజుల్లోనే జారీ చేస్తామని రాష్ట్ర విద్యుత్, ఎస్‌సి అభివృద్ధి శాఖ మంత్రి జి జగదీష్ రెడ్డి తెలిపారు. మంగళవారం ఆయన సచివాలయంలో ఇందు కు సంబంధించిన వెబ్‌పోర్టల్‌ను ఆవిష్కరించారు.

ముంబయి, జూలై 11: దేశీయ స్టాక్ మార్కెట్లు మంగళవారం మరో సరికొత్త స్థాయిని చేరాయి. స్వల్ప లాభాలనే అందుకున్నప్పటికీ, సోమవారం రికార్డు స్థాయి లాభాల్లో ముగిసిన నేపథ్యంలో నూతన ఆల్‌టైమ్ హైకి సూచీలు చేరినట్లైంది. బాంబే స్టాక్ ఎక్స్‌చేంజ్ సూచీ సెనె్సక్స్ 31.45 పాయింట్లు పెరిగి 31,747.09 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 15 పాయింట్లు అందిపుచ్చుకుని 9,786.05 వద్ద నిలిచింది.

విశాఖపట్నం, జూలై 11: మహా విశాఖ నగర పాలక సంస్థ (జివిఎంసి) సంప్రదాయ ఇంధన వనరులను పెంపొందించుకునే దిశగా అడుగులేస్తోంది. ఖాళీ స్థలాల్లో సోలార్ పలకలను ఏర్పాటు చేసుకోవడం ద్వారా విద్యుత్ ఉత్పాదనకు శ్రీకారం చుడుతోంది. ఈ క్రమంలోనే మంచినీటి రిజర్వాయర్లపైనా సోలార్ పలకలను ఏర్పాటు చేసుకోవడం ద్వారా విద్యుదుత్పత్తి సాధించేలా ప్రణాళికలు రూపొందిస్తోంది.