S ,7 à 8 RSCA (si SASPAS) et 6 cialis pharmacie cialis rapports de stage.

క్రైమ్/లీగల్

08/25/2018 - 01:53

సూళ్లూరుపేట, ఆగస్టు 24: ఏటీఎంలలో మోసాలకు పాల్పడిన కస్టోడియన్లు కటకటాల పాలయ్యారు. నగదు స్వాహాకు పాల్పడిన కస్టోడియన్లు వి.జగదీష్, సీహెచ్.కోటేశ్వరావు, ఎ.మునికృష్ణలను శుక్రవారం అరెస్ట్ చేసి, వారినుంచి రూ.4 లక్షల నగదు స్వాధీనం చేసుకొని కోర్టులో హాజరుపరిచారు. నెల్లూరు జిల్లా సూళ్లూరుపేట పోలీస్టేషన్‌లో ఏర్పాటుచేసిన విలేఖరుల సమావేశంలో డీ ఎస్పీ రాంబాబు వివరాలు వెల్లడించారు.

08/25/2018 - 02:08

న్యూఢిల్లీ, ఆగస్టు 24: ఆర్‌జేడీ చీఫ్ లాలూ ప్రసాద్ యాదవ్, ఆయన భార్య రాబ్రీ దేవిపై ఎన్‌ఫోర్స్‌మెంట్ డైరెక్టరేట్ (ఈడీ) చార్జిషీట్ నమోదు చేసింది. ఐఆర్‌సీటీసీ హోటల్స్ కేటాయింపులో భారీ ఎత్తున అవకతవకలకు పాల్పడ్డారని, భారీగా నగదు తమ ఖాతాల్లోకి మళ్లించుకున్నారని వారిపై ఆరోపణలు ఉన్నాయి.

08/25/2018 - 02:05

న్యూఢిల్లీ: తెలుగు రాష్ట్రాల్లో వైద్య విద్య సీట్ల కౌనె్సలింగ్‌కు సంబంధించిన జీవో నెం. 550ను యథావిధిగా కొనసాగించాలని సుప్రీంకోర్టు స్పష్టం చేసింది. 2001లో ఉమ్మడి ఆంధ్రప్రదేశ్ తీసుకొచ్చిన జీవో నెంబరు 550 సరైందేనని, రాజ్యాంగ బద్ధంగానే ఉందని న్యాయస్థానం అభిప్రాయపడింది. అత్యున్నత న్యాయస్థానం గతంలో ఇచ్చిన ఆదేశాలకు అనుగుణంగానే ఉందని సుప్రీంకోర్టు ప్రకటించింది.

08/25/2018 - 01:14

పెనుకొండ, ఆగస్టు 24: అనంతపురం జిల్లాలో శుక్రవారం ఉదయం ఘోర రోడ్డు ప్రమాదం జరిగింది. పెనుకొండ మండలం సత్తార్‌పల్లి సమీపంలో రెండు బొలేరో వాహనాలు ఢీకొనడంతో ఎనిమిది మంది మృత్యువాతపడ్డారు. మరో 11 మంది గాయపడ్డారు. వీరిలో ముగ్గురి పరిస్థితి విషమంగా ఉంది. పెళ్లికి వెళ్తున్న వీరంతా మృత్యువాతపడడంతో గ్రామంలో విషాదం నెలకొంది. పోలీసులు, ప్రత్యక్షసాక్షులు తెలిపిన వివరాలు ఇలా ఉన్నాయి.

08/25/2018 - 00:03

మునగాల, ఆగస్టు 24: హైదరాబాద్ -విజయవాడ 65వ నెంబరు జాతీయ రహదారిపై ఘెర రోడ్డు ప్రమాదం జరిగి ఇద్దరు అక్కడిక్కడే దుర్మరణం చెందగా మరో ఆరుగురికీ తీవ్ర గాయాలై సంఘటన మండల పరిధిలోని బరాఖాత్‌గూడెం గ్రామ సమీపంలో శుక్రవారం తెల్లవారుజామున చోటుచేసుకుంది.

08/24/2018 - 23:31

చౌటుప్పల్, ఆగస్టు 24: వివాహితను వేధించి, బెదిరించి, అత్యాచారం చేసిన ఓ కామాంధుడు కటకటాల వెనక్కు వెళ్లాడు. యాదాద్రి భువనగిరి జిల్లా చౌటుప్పల్ మండలం పీపల్‌పహాడ్ గ్రామానికి చెందిన వివాహిత మహిళ ఇంట్లో స్నానం చేస్తుండగా దొంగచాటుగా సెల్‌ఫోన్‌లో చిత్రీకరించాడు అదే గ్రామానికి చెందిన ఉప్పుతోట రంగయ్య (45). చిత్రీకరించిన వీడియోలను బయటపెడతానని బయపెట్టి పలుమార్లు బలత్కారం చేశాడు.

08/25/2018 - 00:13

విజయవాడ (క్రైం), ఆగస్టు 24: అధికార పార్టీకి చెందిన మాజీ మేయర్ ఇంట్లో చోరీకి పాల్పడిన మహిళతో సహా మరో వ్యక్తిని సీసీఎస్ పోలీసులు అరెస్టు చేశారు. నిందితుల నుంచి సుమారు రూ.2.90లక్షలు విలువైన 10గ్రాముల బంగారం, 6.500 కేజీల వెండి స్వాధీనం చేసుకున్నారు. నిందితుల్లోని మహిళ గతంలో మాజీ మేయర్ ఇంట్లో పని చేసి మానేసిన క్రమంలో చోరీకి పాల్పడటం గమనార్హం. పోలీసులు తెలిపిన వివరాలు ఇలా ఉన్నాయి.

08/24/2018 - 23:27

నిజామాబాద్, ఆగస్టు 24: లైంగిక వేధింపుల ఆరోపణలు ఎదుర్కొంటున్న డీఎస్ తనయుడు, నిజామాబాద్ నగర మాజీ మేయర్ డీ.సంజయ్ జ్యుడీషియల్ రిమాండ్‌ను మరో రెండు వారాల పాటు పొడిగిస్తూ ఫ్యామిలీ కోర్టు జడ్జి సుదర్శన్ శుక్రవారం ఉత్తర్వులు జారీ చేశారు. ఈ నెల 12వ తేదీన సంజయ్‌ను పోలీసులు అరెస్టు చేసి జడ్జి ఎదుట హాజరుపర్చగా, 24వ తేదీ వరకు జ్యుడీషియల్ రిమాండ్ విధించిన విషయం విదితమే.

08/25/2018 - 00:11

కురిచేడు, ఆగస్టు 24: కురిచేడు - పొట్లపాడు మార్గమధ్యలో శుక్రవారం మధ్యాహ్నం బోర్‌వెల్ లారీ బోల్తాపడింది. పొట్లపాడు గ్రామ పరిసరాల్లో పొలాల్లో బోర్లు వేసి కురిచేడువైపు వస్తున్న బోర్‌వెల్ లారీ అదుపుతప్పి పంటపొలాల్లో బోల్తాపడింది. అయితే ఈ ప్రమాదంలో ఎవరికి ఎలాంటి గాయాలు కాలేదు. బోర్‌వెల్ లారీలో పని చేస్తున్న కార్మికులందరూ జార్ఖండ్ రాష్ట్రానికి చెందినవారు.

08/25/2018 - 00:07

నాయుడుపేట, ఆగస్టు 24: పట్టణ పరిధిలోని బాలుర గురుకుల పాఠశాలలో 10వ తరగతి చదువుతున్న పిగిలాం శివప్రతాప్ (15) అనే విద్యార్థి పాఠశాల గదిలో తలుపులు వేసుకొని ఉరేసుకుని మృతి చెందిన సంఘటన పట్టణంలో శుక్రవారం సంచలనం సృష్టించింది.

Pages