న్యూఢిల్లీ: ప్రముఖ జైన మత సన్యాసి తరుణ్‌సాగర్ శనివారం తెల్లవారు జామున కన్నుమూశారు. కామెర్ల వ్యాధితో బాధపడుతూ ఆయన తుది శ్వాస విడిచారు. ఆయన మృతికి ప్రధాని నరేంద్ర మోదీ, ఢిల్లీ ముఖ్యమంత్రి కేజ్రీవాల్ తదితరులు సంతాపం తెలిపారు. జైన మతంలో ప్రముఖుడిగా గుర్తింపు పొందిన తరుణ్‌సాగర్ సమాజాభివృద్ధికి చేసిన సేవలు దేశం మరిచిపోదని అన్నారు.

న్యూఢిల్లీ, ఆగస్టు 31: ముఖ్యమంత్రి కల్వకుంట్ల చంద్రశేఖరరావు ఒకవేళ హడావుడిగా రాష్ట్ర శాసన సభను రద్దు చేసినా, డిసెంబర్‌లో ఎన్నికలు జరిగే అవకాశాలు లేవని కాంగ్రెస్ సీనియర్ నేత మర్రి శశిధర్ రెడ్డి అంచనా వేశారు. బలవంతంగా ఎన్నికలను జరిపేందుకు ప్రయత్నిస్తే తాము కోర్టుకు వెళ్లి ఆపుతామని స్పష్టం చేశారు.

తిరువనంతపురం, ఆగస్టు 31: వరదలు, భారీ వర్షాలతో అతలాకుతలమైన కేరళ రాష్ట్రంలో పునర్మిర్మాణం పనులను వేగవంతంగా చేపట్టాలని, దీని కోసం నిధులను సేకరించాలని రాష్ట్ర ప్రభుత్వం నిర్ణయించింది. కాగా డ్యాంల గేట్లను ఇష్టం వచ్చినట్లు ఎత్తడం వల్ల వరద నీటి ఉధృతికి ఆస్తి, ప్రాణ నష్టం సంభవించిందని ప్రతిపక్ష కాంగ్రెస్ పార్టీ ధ్వజమెత్తింది. ఈ అంశంపై న్యాయవిచారణకు ఆదేశించాలని కాంగ్రెస్ పార్టీ డిమాండ్ చేసింది.

న్యూఢిల్లీ, ఆగస్టు 31: కుటుంబ జీవనానికి మహిళల విశిష్టపాత్రను గుర్తించాలని, వారు ఆర్థిక పరమైన తోడ్పాటు అందించలేకపోయినా, ఒక వేళ విడాకులు పొందే పరిస్థితి ఎదురైన పక్షంలో మహిళలకు ఆస్తిలో సమానమైన వాటాను ఇవ్వాలనే అభిప్రాయాన్ని లా కమిషన్ సూచించింది. దీనికి అనుగుణంగా అన్ని రకాల పర్సనల్ చట్టాలు, సెక్యులర్ చట్టాలను సవరించాల్సిన అవసరం ఉందని లా ప్యానెల్ పేర్కొంది.