లూధియానా, అక్టోబర్ 18: దేశానికి స్వాతంత్య్రం వచ్చి 70 సంవత్సరాలైనా ఇప్పటికీ దళితులపై దాడులు జరగడాన్ని చూసి సిగ్గుపడుతున్నానని ప్రధాని నరేంద్ర మోదీ ఆవేదనతో అన్నారు. ఈ దారుణాలను ఇంకెంత మాత్రం ఉపేక్షించకూడదని, ఈ ఘోరాలకు దారితీస్తున్న సామాజిక ప్రతికూల పరిస్థితుల్ని సరిదిద్దేందుకు గట్టి ప్రయత్నాలు జరగాల్సిందేనని పిలుపునిచ్చారు.

న్యూఢిల్లీ, అక్టోబరు 18: కృష్ణా జలాల కేటాయింపులపై బుధవారం బ్రిజేష్‌కుమార్ ట్రిబ్యునల్ కీలక తీర్పు వెలువరించనుంది. కృష్ణా నదీ జలాల కేటాయింపులు నాలుగు రాష్ట్రాల మధ్యా? లేక రెండు రాష్ట్రాల మధ్య జరపాలా? అన్న అంశంపై బ్రిజేష్ ట్రిబ్యునల్ స్పష్టత ఇవ్వనుంది.

భువనేశ్వర్, అక్టోబర్ 18: భద్రత, నిర్వహణ పరంగా నిర్లక్ష్యంతో వ్యవహరించడం వల్లే ఇక్కడి ఎస్‌యుఎమ్ ఆసుపత్రిలో సోమవారం ఘోర అగ్ని ప్రమాదం జరిగి 22 మంది మరణానికి దారితీసిందంటూ ఒడిశా ప్రభుత్వం ఎఫ్‌ఐఆర్‌లు దాఖలు చేసింది. ప్రమాద కారణాలపై దర్యాప్తు చేపట్టిన పోలీసులు ఆసుపత్రి సూపరింటెండెంట్ సహా మొత్తం నలుగురు అధికారుల్ని అరెస్టు చేశారు. మరో నలుగురు సిబ్బందిని సస్పెండ్ చేశారు.

న్యూఢిల్లీ, అక్టోబర్ 18: బ్రిక్స్ డిక్లరేషన్‌లో సీమాంతర ఉగ్రవాదంను ప్రస్తావించేలా చేయడంలో భారత్ విఫలమైందన్న విమర్శలను ప్రభుత్వం తోసిపుచ్చుతూ ప్రభుత్వ ప్రోత్సాహిత, ప్రభుత్వ రక్షణలోని ఉగ్రవాదం కన్నా పెద్దముప్పు మరోటి లేదని సదస్సు గుర్తించిందని, ఉగ్రవాదం విషయంలో ఇంతకుముందు మాదిరిగా ఉపేక్షించేది లేదని స్పష్టం చేసిందని పేర్కొంది.