హైదరాబాద్, సెప్టెంబర్ 24: రేషన్ బియ్యం తినేవారు మాత్రమే రేషన్ దుకాణాల్లో బియ్యం కొనుగోలు చేయాలని రాష్ట్ర ఆర్థిక, పౌరసరఫరాల మంత్రి ఈటల రాజేందర్ విజ్ఞప్తి చేశారు. ఖరీఫ్ సీజన్‌లో ధాన్యం సేకరణ తదితర పనులపై సమీక్షిస్తూ రబీ సీజన్‌కు ప్రణాళిక రూపొందించేందుకు వీలుగా ఆదివారం జిల్లాస్థాయి, రాష్టస్థ్రాయి అధికారులతో ప్రత్యేక సమావేశం ఏర్పాటు చేశారు.

విజయవాడ, సెప్టెంబర్ 24: రాష్ట్రంలో జనాభా ముఖచిత్రం మారుతోంది. పని చేసేందుకు అనువుగా ఉన్నవారి సంఖ్య గణనీయంగా పెరుగుతోంది. ఇది ఆనందించదగ్గ పరిణామమే అయినా, అదే సమయంలో వృద్ధుల సంఖ్య పెరుగుతుండటం, టీనేజ్ యువత సంఖ్య తగ్గుతుండటం మరోవైపు కలవరపెట్టే అంశంగా మారింది. ఏ దేశానికి, ఏ రాష్ట్రానికైనా 20 నుంచి 35ఏళ్ల మధ్య ఉన్న యువతను డెమోగ్రాఫిక్ డివిడెండ్‌గా భావిస్తారు.

విజయవాడ, సెప్టెంబర్ 24: విదేశీ పెట్టుబడులకు రాజధాని అమరావతి స్వర్గ్ధామం కానుందని సిఎం చంద్రబాబు అన్నారు. వౌలిక సదుపాయాల కల్పనకు సంబంధించిన కంపెనీలు ఇక్కడికి క్యూకట్టేలా ఉన్న అవకాశాల గురించి మనం విదేశీ పెట్టుబడిదారులకు వివరించాలన్నారు. సింగపూర్‌లో ఈ నెల 25 నుంచి 27 వరకూ ఇంటర్నేషనల్ ఎంటర్‌ప్రైజ్ అనే సంస్థ వౌలిక సదుపాయాలపై రౌండ్ టేబుల్ సమావేశం నిర్వహించనుంది.

ప్రియదర్శిని జూరాల ప్రాజెక్టుకు ఎగువనుంచి వరద కొనసాగుతుంది. ఆదివారం ఎగువ ప్రాంతంలోని ఆల్మట్టి, నారాయణపూర్ జలాశయాలతోపాటు, భీమా నది నుంచి వస్తున్న వరదనీటి కారణంగా జూరాల వద్ద కృష్ణమ్మ పరవళ్లుతొక్కుతోంది. జూరాల జలాశయంలో 318.330 మీటర్ల స్థాయిలో నీటి నిల్వ ఉండగా ఎగువనుంచి 1,84,000 క్యూసెకుల వరదనీరు వచ్చి చేరుతోంది. దీంతో ప్రాజెక్టు 18 గేట్లను ఎత్తి 1,83,951 క్యూసెకులను దిగువకు విడుదల చేస్తున్నారు.