హైదరాబాద్, అక్టోబర్ 8: ఒక వ్యక్తి మద్యం సేవించి భార్యపై కిరోసిన్ పోసి నిప్పంటించి హత్య చేసిన కేసులో జిల్లా సెషన్స్ కోర్టు విధించిన జీవిత ఖైదును పదేళ్ల కఠిన జైలుశిక్షగా మారుస్తూ హైకోర్టు తీర్పు ఇచ్చింది. ఈ తీర్పును జస్టిస్ పివి సంజయ్ కుమార్, జస్టిస్ ఎం సీతారామమూర్తితో కూడిన హైకోర్టు ధర్మాసనం వెలువరించింది.

హైదరాబాద్/బేగంపేట, అక్టోబర్ 8: మూఢ నమ్మకం ఓ బాలిక ప్రాణం తీసింది.. 64 రోజుల ఉపవాస దీక్షతో పదమూడేళ్ల ఓ బాలిక శనివారం మృతి చెందింది. దీనిపై బాలల హక్కుల సంఘం స్పందిస్తూ బాలిక మృతిపై విచారణకు ఆదేశించింది. ఈ మేరకు నగర పోలీస్ కమిషనర్‌కు ఓ లేఖ రాయగా నార్త్‌జోన్ డిసిపి విచారణ చేపట్టారు.

భద్రాచలం, అక్టోబర్ 8: భద్రాచలం జిల్లా కోసం, వాజేడు, వెంకటాపురం మండలాలను తిరిగి భద్రాచలం నియోజకవర్గంలోనే కొనసాగించాలని డిమాండ్ చేస్తూ ఖమ్మం జిల్లా భద్రాచలంలో ఎమ్మెల్యే సున్నం రాజయ్య, తెదేపా నియోజకవర్గ ఇంచార్జ్ కొమరం ఫణీశ్వరమ్మ నిర్వహిస్తున్న ఆమరణ నిరాహార దీక్షలను పోలీసులు శనివారం తెల్లవారుఝామున భగ్నం చేశారు.

హైదరాబాద్/ గచ్చిబౌలి, అక్టోబర్ 8: గ్యాంగ్‌స్టర్ నరుూం పేరిట బెదిరింపులకు పాల్పడుతున్న నకిలీ నక్సలైట్లను స్పెషల్ ఆపరేషన్ టీమ్, జవహర్‌నగర్ పోలీసులు అరెస్టు చేశారు. నరుూం ఎన్‌కౌంటర్ తరువాత నగరశివారులో బెదిరింపులకు పాల్పడుతున్న బొల్లా నర్సింహ, పల్లెల సురేందర్, రాచకొండ శ్రీరాములు, అక్కరం కృష్ణ, సమ్మయ్యలను రాచకొండ ఎస్‌వోటి పోలీసులు శనివారం అదుపులోకి తీసుకున్నారు.