హైదరాబాద్, ఆగస్టు 19: పోలీస్ శాఖలో 1989-91 బ్యాచ్‌లో సబ్-ఇన్‌స్పెక్టర్లుగా నియామకం అయినవారు శనివారం సచివాలయంలో హోమంత్రి నాయిని నర్సింహారెడ్డి, ప్రభుత్వ సలహాదారు రాజీవ్ శర్మను కలిసి తమకు ప్రమోషన్లు ఇవ్వాలని కోరారు. ఈ బ్యాచ్‌కు చెందిన వారికి ఇప్పటి వరకు సిఐలుగా ప్రమోషన్ లభించింది.

హైదరాబాద్, ఆగస్టు 19: రాష్ట్రానికి రావలసిన ఐటిఐఆర్ ప్రాజెక్టు, ఉద్యోగాలూ ఏమయ్యాయని టి.పిసిసి అధ్యక్షుడు ఎన్. ఉత్తమ్‌కుమార్ రెడ్డి ప్రభుత్వాన్ని ప్రశ్నించారు. ముఖ్యమంత్రి కె. చంద్రశేఖర్ రావు మూడేళ్ళ పాలనలో రాష్ట్రం అవినీతికి, అక్రమాలకు, మాఫియాలకు అడ్డాగా మారిందని ఆయన విమర్శించారు. శంషాబాద్ మండలంలోని మదనపల్లిలోని శనీశ్వరాలయంలో శనివారం ఆయన ప్రత్యేక పూజలు నిర్వహించారు.

హైదరాబాద్, ఆగస్టు 19: మహిళల రక్షణకు ప్రత్యేకంగా ‘మహిళా హెల్ప్‌లైన్-181’ను రాష్ట్ర ప్రభుత్వం ప్రవేశపెట్టింది. మహిళలకు సలహాలు ఇచ్చేందుకు, కౌన్సిలింగ్ నిర్వహించేందుకు, రక్షణ కోసం ఈ హెల్ప్‌లైన్ ఉపయోగపడుతుంది. రాష్ట్ర స్ర్తి, శిశు సంక్షేమ మంత్రి తుమ్మల నాగేశ్వరరావు శనివారం ఈ హెల్ప్‌లైన్‌ను సచివాలయంలో ప్రారంభించారు.

హైదరాబాద్, ఆగస్టు 19: బయ్యారం స్టీల్ ప్లాంట్ ఏర్పాటుకు కేంద్రం వెంటనే చర్యలు తీసుకోవాలని ఐటి, పరిశ్రమల శాఖ మంత్రి కె తారక రామారావు కేంద్ర ప్రభుత్వ గనుల శాఖ కార్యదర్శి అరుణ్ కుమార్‌ను కోరారు. అరుణ్‌కుమార్‌ను శనివారం కలిసిన కెటిఆర్ రాష్ట్రానికి చెందిన పలు పెండింగ్ అంశాలను వివరించారు. రాష్ట్ర విభజన సమయంలో కేంద్రం హామీ ఇచ్చిన బయ్యారం స్టీల్ ప్లాంట్ ఏర్పాటుపై త్వరగా నిర్ణయం తీసుకోవాలని అన్నారు.