హైదరాబాద్, అక్టోబర్ 9: తెలంగాణలో కొత్తగా ఏర్పడబోతున్న జిల్లాలకు కలెక్టర్లు, జాయింట్ కలెక్టర్ల నియామకాల్లో గందరగోళపరిస్థితి ఏర్పడింది. తగినంత మంది ఐఎఎస్ అధికారులు లేకపోవడం ఇందుకు కారణం. ప్రస్తుతం పనిచేస్తున్న 10 జిల్లాల కలెక్టర్లు మినహాయిస్తే మిగతా 21 జిల్లాలకు కలెక్టర్లు, జాయింట్ కలెక్టర్లను నియమించాలి. అంటే 42 మంది ఐఎఎస్ అధికారుల అవసరం వెంటనే ఉంటుంది.

హైదరాబాద్, అక్టోబర్ 9: ఎప్పుడెప్పుడా అని అధికార తెరాస పార్టీ నేతలు ఎదురు చూస్తోన్న నామినేటెడ్ పదవుల పందేరానికి దసరా కానుకగా సిఎం కెసిఆర్ శ్రీకారం చుట్టారు. 9 కార్పొరేషన్లకు చైర్మన్లను ఆదివారం ప్రకటించారు. పార్టీ ఆవిర్భావం నుంచీ కష్టపడిన కార్యకర్తలకు అవకాశాలు కల్పించాలన్న లక్ష్యంతో నియామకాలు జరిపినట్టు పేర్కొన్నారు.

హైదరాబాద్, అక్టోబర్ 9: దసరానుంచి తెలంగాణ కొత్త స్వరూపం సంతరించుకోనుంది. భౌగోళికంగా పది జిల్లాలుగా ఉన్న తెలంగాణ 31 జిల్లాలుగా ఆవిర్భవించనుంది. కొత్త జిల్లాల ఏర్పాటుతో తెలంగాణ రాజకీయ స్వరూపమే మారిపోనుంది. ప్రస్తుతం జిల్లాల్లో అధిపత్యం చలాయిస్తున్న వర్గాల్లోనూ మార్పు అనివార్యం కాబోతోంది. చివరకు మంత్రుల నియోజకవర్గాల్లోని కొన్ని ప్రాంతాలు సైతం పక్క జిల్లాలోకి పోతున్నాయి. ఇదో విచిత్రమైన పరిస్థితి.

వరంగల్, అక్టోబర్ 9: జిల్లాల పునర్విభజన, కొత్త జిల్లాల ఏర్పాటు విషయంలో విపక్షాలు విపరీత ధోరణితో వ్యవహరిస్తున్నాయని సిఎం కె చంద్రశేఖర్‌రావు విమర్శించారు. ప్రభుత్వం చేపట్టే ప్రజోపయోగకర కార్యక్రమాల కారణంగా ఉనికి కోల్పోతామనే భయంతో కాంగ్రెస్, తెదేపాలు కొత్త జిల్లాల ఏర్పాటు విషయంలో ప్రజల్లో లేనిపోని ఆందోళనలు రేకెత్తించే ప్రయత్నాలు చేస్తున్నాయని దుయ్యబట్టారు.