హైదరాబాద్, అక్టోబర్ 9: బతుకమ్మ పాటలు న్యూజిలాండ్‌లో మార్మోగాయి. ఆ దేశ రాజధాని ఆక్లాండ్ సిటీ బతుకమ్మ ఆట పాటలతో పులకించింది. తెలంగాణ జాగృతి న్యూజిలాండ్ శాఖ, న్యూజిలాండ్ తెలంగాణ సంఘం సంయుక్తంగా నిర్వహించిన బతుకమ్మ ఉత్సవాలు కన్నుల పండువుగా జరిగాయి. తెలంగాణ జాగృతి అధ్యక్షురాలు, నిజామాబాద్ ఎంపి కల్వకుంట్ల కవిత బతుకమ్మ సంబురాలకు హాజరయ్యారు.

వరంగల్, అక్టోబర్ 9: రాష్ట్ర ప్రభుత్వం పరిపాలన సౌలభ్యం కోసం ఏర్పాటు చేస్తున్న కొత్త జిల్లాల ఏర్పాటు లెక్కతేలింది. 31 జిల్లాలతో నేడోరేపో మంత్రివర్గ అత్యవసర సమావేశం ఏర్పాటు చేసి జిల్లాల ఏర్పాటు ఫైనల్ ముసాయిదాను విడుదల చేసేందుకు సర్కార్ సిద్ధమైంది. ఈవిషయాన్ని స్వయంగా సిఎం కెసిఆర్ ఆదివారం వరంగల్ పర్యటన సందర్భంగా ఏర్పాటు చేసిన విలేఖరుల సమావేశంలో వెల్లడించారు.

వరంగల్, అక్టోబర్ 9: రాష్ట్ర ముఖ్యమంత్రి కెసిఆర్ ప్రజలకు దసరా, నూతన జిల్లాల ఏర్పాటు శుభాకాంక్షలు తెలిపారు. ఆదివారం వరంగల్ పర్యటనకు వచ్చిన సందర్భంగా ఇక్కడ వేదికగా ప్రజలకు శుభాకాంక్షలు తెలుపుతున్నట్లు ప్రకటించారు. వరంగల్‌లో సద్దుల బతుకమ్మ ఉత్సవాలు గొప్పగా జరిగాయని, వచ్చే సంవత్సరం మహిళలు బతుకమ్మ ఉత్సవాలను మరింత గొప్పగా జరుపుకునే విధంగా ప్రభుత్వం చర్యలు తీసుకుంటుందని ఆయన అన్నారు.

బాల్కొండ, అక్టోబర్ 9: శ్రీరాంసాగర్ ప్రాజెక్టు ఎగువ ప్రాంతం నుండి వరదనీటి ఉద్ధృతి పెరగడంతో అధికారులు మరోమారు ఆదివారం రిజర్వాయర్‌కు చెందిన 42గేట్లను ఎత్తివేశారు. రిజర్వాయర్ ఎగువ ప్రాంతమైన మహారాష్టల్రోని విష్ణుపురి ప్రాజెక్టు మిగులు జలాలతో పాటు ఆదిలాబాద్, నిజామాబాద్, నాందేడ్ జిల్లాల్లో కురిసిన వర్షాలతో రిజర్వాయర్‌లోకి 3.20లక్షల క్యూసెక్కుల వరదనీరు వచ్చి చేరుతోంది.