తల్లిప్రేమ ఎలాంటిదో మరోసారి రుజువు చేసింది ఈ చిత్రం. సముద్ర జలాల్లో జీవించే సీఅట్టర్ ఎక్కువకాలం నీళ్లలోనే జీవిస్తుంది. వీజిల్స్ కుటుంబానికి చెందిన ఈ జీవులు వెల్లకిలా కూడా ఈదుతాయి. దట్టమైన బొచ్చుతో ఉండే ఇవి పిల్లల్ని ఇలా బొజ్జపై పడుకోబెట్టుకుని వెల్లకిలా ఈదుతూ గడుపుతాయి. పసిఫిక్ సముద్ర జలాల్లో ఇవి ఎక్కువగా కన్పిస్తాయి.

ఆకలితో నకనకలాడుతున్న ఈ పులి పేరు సీత. నీళ్లలో వెళుతున్న ఓ చేపను చూసి వేటాడేందుకు చటుక్కున దూకింది. ఆస్ట్రేలియాలోని గోల్డ్‌కోస్ట్ (క్వీన్స్‌లాండ్)లో ఈ అందమైన దృశ్యం కెమేరాకు చిక్కింది.

లండన్‌లోని లీసెష్టర్‌లో దీపావళి వేడుకలు వారంరోజులపాటు నిర్వహించారు. అక్కడ రంగురంగుల ఎల్‌ఇడి దీపాలు అలంకరించి, అందమైన నృత్యాలతో పండుగను ఆనందంగా జరుపుకున్నారు. ఇప్పుడు దీపావళి కేవలం భారతీయుల పండుగ కాదు. ఇది ప్రపంచం అంతటా నిర్వహించుకుంటున్న దీపాల వేడుక.

థాయ్‌లాండ్ రాజు భూమిబొల్ అదుల్యదెజ్ ఇటీవల మరణించారు. ఆ శోకం నుంచి అక్కడివారు ఇంకా బయటపడలేదు. థాయ్ ప్రజలకు రాజంటే ఎంతో ఇష్టం. అందుకే అనుక్షణం ఆయనను తలుచుకుంటూ పలు రకాలుగా నివాళి అర్పిస్తున్నారు. శిల్పాకోర్న్ యూనివర్శిటీకి చెందిన ఫైన్‌ఆర్ట్స్ విద్యార్థులు ఇలా భూమిబొల్ చిత్రాలను ఆవిష్కరించి నివాళి అర్పించారు.