తడ, మే 27: నెల్లూరు, చిత్తూరు జిల్లాల సరిహద్దులో గల శ్రీసిటి పారిశ్రామిక వాడలో వైటల్ పేపర్ ప్యాకేజింగ్ పరిశ్రమ శనివారం తమ మూడో యూనిట్ నుండి ఉత్పత్తులను ప్రారంభించింది. సింగపూర్‌కు చెందిన ఈ పరిశ్రమ ఇప్పటికే శ్రీసిటిలో రెండు యూనిట్‌లను కలిగి ఉంది. వీటిలో ఆఫీస్, స్కూల్ స్టేషనరి, ఇతర పేపరు ప్రొడక్ట్స్‌ను తయారు చేస్తారు.

హైదరాబాద్, మే 27: చేతి వృత్తుల వారికి చేయూతనిస్తున్నామని తెలంగాణ ఖాదీ, గ్రామీణ పరిశ్రమల మండలి, ఖాదీ బోర్డు చైర్మన్ మహ్మద్ యూసుఫ్ జాహెద్ తెలిపారు. శనివారం తెలంగాణ జిల్లాల ప్రాంతీయ అధికారులకు తెలంగాణ ఖాదీ, గ్రామీణ పరిశ్రమల మండలి, బోర్డు కార్యాలయంలో సంప్రదాయ పరిశ్రమలపై వర్క్ షాప్ నిర్వహించారు.

న్యూఢిల్లీ, మే 27: నిర్మాణ రంగ దిగ్గజం డిఎల్‌ఎఫ్ నికర రుణ భారం గత ఆర్థిక సంవత్సరం (2016-17) ఆఖరి త్రైమాసికం (జనవరి-మార్చి)లో దాదాపు 700 కోట్ల రూపాయలు పెరిగింది. హౌసింగ్ డిమాండ్ ఇంకా మందగమనంలోనే ఉండటంతో సంస్థ రుణ భారం 25,096 కోట్ల రూపాయలకు చేరుకుంది. 2016 డిసెంబర్ చివరి నాటికి ఇది 24,397 కోట్ల రూపాయలుగా ఉంది.

న్యూఢిల్లీ, మే 26: సానుకూలమైన విదేశీ డిమాండ్, మెరుగుపడుతున్న కార్పొరేట్ సంస్థల బ్యాలెన్స్ షీట్లు, ప్రైవేట్ పెట్టుబడుల రికవరీ కారణంగా భారత దేశ ఆర్థిక వ్యవస్థ ఉత్పాదక వృద్ధి దశ (ప్రొడక్టివ్ గ్రోత్ ఫేజ్)లోకి అడుగుపెడుతోందని, ఈ ఏడాది డిసెంబర్ నాటికి జిడిపి వృద్ధి 7.9 శాతానికి పెరిగే అవకాశముందని అంతర్జాతీయ రేటింగ్ సంస్థ మోర్గాన్ స్టాన్లీ ఒక పరిశోధనా పత్రంలో పేర్కొంది.