రాజంపేట, అక్టోబర్ 28: ఓ కాంట్రాక్టర్ నుంచి రూ. 10 వేలు లంచం తీసుకున్న కడప జిల్లా రాజంపేట ఆర్‌అండ్‌బీ ఎగ్జిక్యూటివ్ ఇంజినీర్ జి.ప్రభాకర్‌రావును సోమవారం ఏసీబీ అధికారులు అరెస్టు చేశారు. రాయచోటికి చెందిన కాంట్రాక్టర్ ఎస్.ఓబుల్‌రెడ్డి ఓ బిల్లు క్లియరెన్స్ కోసం ఈఈని కలువగా ఆయన రూ.10 వేలు లంచం డిమాండ్ చేశాడు.

నల్లగొండ టౌన్, అక్టోబర్ 28: నల్లగొండ నడిబొడ్డున గడియారం సెంటర్ రామగిరి రోడ్డు మార్గంలో ఉన్న ఎస్‌బీఐ మెయిన్ బ్రాంచ్‌లో ఆదివారం రాత్రి చోరీ యత్నం చోటుచేసుకోవడం కలకలం రేపింది. నల్లగొండ టూటౌన్ సీఐ నరసింహ కథనం మేరకు బ్యాంకు వెనుక భాగాన ఉన్న గ్రిల్స్ గేట్ తాళం, తలుపు తాళం పగులగొట్టి లోనికి వెళ్లిన దొంగ గంటన్నరకు పైగా లోపలే తచ్చాడుతూ గడిపాడు.

కొత్తకోట, అక్టోబర్ 28: గుర్తు తెలియని మహిళను దారుణంగా హత్య చేసి పెట్రోల్ పోసి నిప్పంటించిన సంఘటన మండలంలో చోటు చేసుకుంది. సీఐ వెంకటేశ్వర్‌రావు, ఎస్‌ఐ సతీష్ తెలిపిన వివరాల ప్రకారం వనపర్తి జిల్లా కొత్తకోట మండలం అప్పరాల గ్రామ సమీపంలోని కృష్ణవేణి చక్కెర పరిశ్రమ వద్ద గుర్తు తెలియని మహిళ సుమారు 25 ఏళ్ల మహిళను ఎక్కడో చంపి చక్కెర ఫ్యాక్టరీ సమీపంలో పెట్రోల్ పోసి నిప్పంటించారు.

విశాఖపట్నం (క్రైం), అక్టోబర్ 28: ఛత్తీస్‌ఘ్ఢ్ రాష్ట్రం దంతెవాడ సమీపంలో సోమవారం రాత్రి 10 గంటల సమయంలో జరిగిన ఘోర రోడ్డు ప్రమాదంలో విజయనగరానికి చెందిన నలుగురు మృతి చెందారు. విజయనగరం మిమ్స్‌లో అనాటమీ ప్రొఫెసర్‌గా పని చేస్తున్న డాక్టర్ సునీత కుటుంబీకులు ఏడుగురు రెండు రోజుల క్రితం ఛత్తీస్‌ఘడ్ రాష్ట్రం జగదల్‌పూర్ చిత్రకూట్ వాటర్ ఫాల్స్, కొన్ని పర్యాటక ప్రాంతాల సందర్శనకు వెళ్లారు.