నిజామాబాద్, అక్టోబర్ 25: విద్యార్థుల భావి జీవితానికి బాటలు వేయాల్సిన సర్కారు బడిలో, అస్తవ్యస్త పరిస్థితులు నెలకొని ఓ బాలుడి నిండు ప్రాణాలను బలిగొన్నాయి. నిజామాబాద్ జిల్లా కేంద్రంలోని కోటగల్లిలో గల ఫులాంగ్ ప్రభుత్వ ప్రాథమిక పాఠశాలలో ఐదవ తరగతి చదువుతున్న అయాన్ ఖాన్ (11) అనే బాలుడు బడి ఆవరణలో విద్యుదాఘాతానికి గురై అక్కడికక్కడే మృతి చెందాడు.

హైదరాబాద్, అక్టోబర్ 25: రాష్ట్రంలో భారీగా డీఎస్పీల బదిలీలకు ప్రభుత్వం శ్రీకారం చుట్టింది. ఒకేసారి 68 మంది డీఎస్పీలను బదిలీ చేస్తూ ప్రభుత్వం ఉత్తర్వులు జారీ చేసింది. ఈ ఉత్తర్వులు తక్షణమే అమల్లోకి వస్తాయని రాష్ట్ర హోం శాఖ తన ఉత్తర్వుల్లో పేర్కొంది. చిక్కడపల్లి ఏసీపీ వై.నర్సింహారెడ్డి మల్కాజిగిరికి, రామగుండం ట్రాఫిక్ ఏసీపీ వై.వెంకటేశ్వర్ రావు మిర్యాలగూడకు బదిలీ అయ్యారు.

హైదరాబాద్, అక్టోబర్ 25: టీవీ-9 మాజీ సీఈఓ రవిప్రకాష్‌కు హైకోర్టు శుక్రవారం నాడు బెయిల్ మంజూరు చేసింది. ఈ మేరకు కూకట్‌పల్లి కోర్టును ఆదేశిస్తూ ఉత్తర్వులను ఇచ్చింది. వ్యక్తిగత బాండుతో పాంటు 15 వేల రూపాయల పూచీకత్తును సమర్పించాలని హైకోర్టు ఆదేశించింది. టీవీ-9 సీఈఓగా ఉన్న సమయంలో రవిప్రకాష్ తన స్వప్రయోజనాల కోసం నిధులను మళ్లించుకున్నారనే అభియోగాలతో పోలీసులు అరెస్టుల చేశారు.

న్యూఢిల్లీ, అక్టోబర్ 25: కోస్టర్ రెగ్యులేషన్ జోన్ నిబంధనలు ఉల్లంఘించి నిర్మించిన ‘మరడు’ అపార్ట్‌మెంట్ కాంప్లెక్స్‌పై సుప్రీం కోర్టు శుక్రవారం స్పష్టమైన తీర్పును వెలువరించింది. పర్యావరణాన్ని పట్టించుకోకుండా నిర్మాణాలు చేపట్టిన బిల్డర్లపై తీవ్ర ఆగ్రహం వ్యక్తం చేసిన కోర్టు గతంలోనే అపార్ట్‌మెంట్‌లను కూల్చివేయాలని ఆదేశించింది.