హైదరాబాద్, జూన్ 17: ఎన్నికల్లో కుల, మత, ధన ప్రభావం ప్రజాస్వామ్యానికే అవమానమని కేంద్ర పట్టణాభివృద్ధిశాఖ మంత్రి వెంకయ్యనాయుడు అన్నారు. రాజ్యసభ సభ్యుడిగా నాలుగోసారి ఎన్నికైన కేంద్ర మంత్రి వెంకయ్యనాయుడును శుక్రవారం హైదరాబాద్‌లో ఇమేజ్ గార్డెన్స్‌లో పార్టీలకు అతీతంగా జరిగిన ఆత్మీయ అభినందన సభలో సత్కరించారు. ఈ సందర్భంగా పలువురు ప్రసంగిస్తూ వెంకయ్యనాయుడు చేసిన సేవలను కొనియాడారు.

హైదరాబాద్/ముషీరాబాద్, జూన్ 16: అగ్రిగోల్డ్ బాధితులు గురువారం హైదరాబాద్‌లో మహాధర్నా నిర్వహించారు. దేశంలోనే భారీ ఆర్థిక కుంభకోణానికి పాల్పడిన అగ్రిగోల్డ్ సంస్థ వ్యవహారాన్ని తక్షణం సిబిఐకి బదలాయించి సమగ్ర విచారణ జరిపించి బాధితులకు న్యాయం చేయాలని డిమాండ్ చేస్తూ ఏజెంట్లు, బాధితులు భారీ ర్యాలీ నిర్వహించారు. ఈ ధర్నాకు రాజకీయ పక్షాలు, ప్రజాసంఘాలు, కాంగ్రెస్ నేత విహెచ్, లక్ష్మిపార్వతి మద్దతు పలికారు.

హైదరాబాద్, జూన్ 16: హైదరాబాద్ సెంట్రల్ యూనివర్శిటీలో ఇద్దరు అధ్యాపకులను సస్పెండ్ చేసిన నేపథ్యంలో యూనివర్శిటీ మరో మారు అట్టుడికిపోతోంది. మరో ఐదుగురు బోధనేతర సిబ్బందిపై వేటు వేసేందుకు రంగం సిద్ధమైందని తెలియడంతో ఉద్యమానికి వారు సైతం ముందుకు వచ్చారు.

విజయవాడ, జూన్ 16: ప్రజల ఆకాంక్షలకు అనుగుణంగా జీవితాల్లో మార్పులు తెచ్చి వారి సర్వతోముఖాభివృద్ధికై ప్రధాని నరేంద్ర మోదీ నిరంతరం కృషి చేస్తున్నారని కేంద్ర పట్టణాభివృద్ధిశాఖ మంత్రి ముప్పవరపు వెంకయ్యనాయుడు పేర్కొన్నారు. దేశంలో మరిన్ని వైద్య విద్యాలయాల స్థాపనకు కేంద్రం కృషి చేస్తోందని ప్రతీ కుటుంబానికి రూ.లక్ష బీమా కల్పిస్తామని ఆయన తెలిపారు.