మారేడుమిల్లి, మార్చి 3: తూర్పు గోదావరి జిల్లా ఏజెన్సీ ప్రాంతం లోతట్టు ఎగువ ప్రాంతమైన వైరామవరం మండలం కానివాడ పంచాయతీ పరిధిలోని మూడు గ్రామాల్లో ఎనిమిది మంది గిరిజనులు తీవ్రజ్వరంతో మృత్యువాత పడ్డ సంఘటన అలస్యంగా వెలుగులోనికి వచ్చింది. శనివారం ఈ సంఘటన సమాచారం అందిన వెంటనే రంపచోడవరం శాసనసభ్యురాలు వంతల రాజేశ్వరి హుటాహుటిన సంఘటన స్థలానికి చేరుకున్నారు.

హైదరాబాద్, మార్చి 3: రాష్ట్ర విభజన చట్టం అమలు నేపథ్యంలో ఏపీకి రావాల్సిన నిధుల అంశంపై కేంద్ర, రాష్ట్ర ప్రభుత్వాలు చేస్తున్న ప్రకటనలు విరుద్ధంగా ఉన్నాయని జనసేన అధినేత పవన్‌కళ్యాణ్ ఆరోపించారు. రాష్ట్ర పునర్విభజన చట్టంలో భాగంగా కేంద్రం కేటాయించిన నిధుల అంశంపై ఏర్పాటు చేసిన నిజనిర్ధారణ సంయుక్త కమిటీ నివేదికను ప్రజల ముందుంచిన సందర్భంగా ఆయన, మిగిలిన స్టీరింగ్ కమిటీ సభ్యులతో కలిసి మాట్లాడారు.

ఖమ్మం, మార్చి 3: తెలంగాణ- చత్తీస్‌గఢ్ సరిహద్దులో జరిగిన ఎన్‌కౌంటర్ నుండి మావో అగ్రనేతలు సహహా అనేకమంది తప్పించుకున్నారనే సమాచారంతో పోలీసులు అడవిని గాలిస్తున్నారు. ఎన్‌కౌంటర్‌లో చనిపోయిన 10మందిలో ఇద్దరు తెలంగాణ రాష్ట్రానికి చెందిన వారుగా గుర్తించారు. మిగిలిన వారంతా చత్తీస్‌గఢ్ రాష్టవ్రాసులే.

హైదరాబాద్, మార్చి 3: భారతదేశ రాజకీయాల్లో మార్పుల కోసం ప్రయత్నాలు జరుగుతున్నాయని, అవసరమైతే థర్డ్‌ఫ్రంట్‌కు నాయకత్వం వహిస్తానని తెలంగాణ సీఎం కే చంద్రశేఖరరావు ప్రకటించారు. ప్రగతిభవన్‌లో శనివారం తెరాస పార్లమెంటరీ పార్టీ సమావేశం తర్వాత మీడియాతో మాట్లాడారు. దేశాన్ని శాస్ర్తియంగా అభివృద్ధి మార్గాన నడిపించడంలో కాంగ్రెస్, బీజేపీ ప్రభుత్వాలు విఫలమయ్యాయన్నారు.