S ,7 à 8 RSCA (si SASPAS) et 6 cialis pharmacie cialis rapports de stage.

అవీ .. ఇవీ..

02/19/2017 - 04:31

గొరిల్లాలు మనిషికి అతి దగ్గరి జీవులు. మన డిఎన్‌ఎకు వాటి డిఎన్‌ఎలకు తేడా కేవలం రెండు శాతమే. సౌంజ్ఞలు, సంకేతాలను బాగా అర్థం చేసుకోగల గొరిల్లాలు యుక్తవయస్సులో ఉన్నప్పుడు చెట్లపై నివాసాలను ఆకులు, కొమ్మలతో అల్లుకుంటాయి. వయసు పెరిగే కొద్దీ నేలపై గూళ్లు ఏర్పాటు చేసుకుంటాయి. ఏ గొరిల్లా అయినా ఒకసారి వాడిని గూడును మరోసారి వాడదు. భద్రత కోసమే అవి అలా చేస్తాయి.

02/19/2017 - 02:40

ఆధునిక ప్రపంచంలో విభిన్న ఆలోచనలకు, సృజనాత్మకతకు ఎప్పుడూ ఆదరణ ఉంటుంది. మామూలు హోటళ్లలో తింటే ఏం మజా, స్విమ్మింగ్ పూల్‌లో నీటి అడుగున ప్రేయసితో కలసి విందారగిస్తే ఎలా ఉంటుందోనన్న ఆలోచన కొందరికి వచ్చింది. అంతే బెల్జియంలోని బ్రసెల్స్‌లోని ఓ హోటల్ వారు స్విమ్మింగ్ పూల్ అడుగున ఓ కేజ్ రెస్టారెంట్ ఏర్పాటు చేశారు. గుండ్రటి గాజుగోళాల్లో ఈ విందు ఆరగించవచ్చు.

02/19/2017 - 02:38

న్యూజిలాండ్‌లోని ఆక్లాండ్‌లో ఈ మధ్య చైనీయుల లాంతర్ల ఫెస్టివల్ నిర్వహించారు. ఆ సందర్భంగా ఏర్పాటు చేసిన విభిన్నమైన రంగుల్లో, రూపాల్లో తయారు చేసిన లాంతర్లు ఇవి. వీటినన్నింటినీ కేవలం చేతులతో మాత్రమే రూపొందించారంటే నమ్మాల్సిందే. చాంద్రమానం ప్రకారం వచ్చే నూతన సంవత్సర వేడుకల సందర్భంగా ఇలా లాంతర్ల పండుగ నిర్వహించుకోవడం చైనీయుల సంప్రదాయం.

02/11/2017 - 21:55

మనకైతే ఇప్పుడిప్పుడే ఎండలు మొదలవుతున్నాయి కానీ ఆస్ట్రేలియాలో ఇప్పటికే వేసవి ముదిరిపోయింది. మెల్‌బోర్న్‌లో ఇప్పుడు పగటి ఉష్ణోగ్రత 30 డిగ్రీల సెల్సియస్ నమోదవుతోంది. తాపం తట్టుకోలేక ఇదిగో ఇలా జనం జలకాలాడుతున్నారు. నీళ్లలో మునిగి ఇలా తల బయటకు తీసినప్పుడు అతడి తలకట్టు ఇలా కనిపించింది. ఇది మెల్‌బోర్న్ తీరంలో తీసిన చిత్రం.

02/11/2017 - 21:54

ఆధునిక కాలంలో సెల్ఫీలు తీసుకోవడం ఓ సరదా అయిపోయింది. నిజానికి ఈ సరదా కాస్తా వ్యసనం అయిపోయిందంటే అతిశయోక్తి కాదు. చివరికి బౌద్ధ బిక్షువులకూ సెల్ఫీ ముచ్చట తీర్చుకోవాలనిపించింది. ఇదిగో సిచువాన్‌లో బౌద్ధ బిక్షువులు తమలాంటి ఓ బొమ్మతో సెల్ఫీ తీసుకుని ముచ్చటపడ్డారు.

02/11/2017 - 21:53

ఔను ఇతడిని అంతా మాగ్నెట్ మ్యాన్ అనే పిలుస్తారు. ఎందుకంటే ఇళ్లల్లో ఉండే చాలా వస్తువులు, పరికరాలను అతడి శరీరం ఆకర్షిస్తుంది. కొన్ని రకాల లోహాలను అయస్కాంతం ఆకర్షిస్తుందని అందరికీ తెలుసు. కానీ ఇతడి శరీరం ప్లాస్టిక్ వస్తువులనూ ఆకర్షిస్తోంది. అదే విశేషం. రిమోట్‌లు, ఫోర్కులు, ప్లాస్టిక్ చెంచాలు, పళ్లాలు, పింగాణీ పాత్రలు వంటివి అతడి శరీరంపై ఎక్కడ పెట్టినా అతుక్కుపోయినట్లు ఉంటాయి.

01/28/2017 - 21:24

ఇక్కడ ఓ తలను చేతిలో పెట్టుకున్న మొండెం కనిపిస్తోంది కదూ! ఇది ఏ మ్యాజిక్ షోలోని దృశ్యం కాదు సుమా!. విభిన్నమైన దుస్తులను ప్రదర్శించే కాస్ట్యూమ్స్ షో. కాలిఫోర్నియాలోని శాంతామోనికాలో ఈమధ్యే నిర్వహించిన ఈ ప్రదర్శనకు ప్రఖ్యాత డిజైనర్ టిజెమిల్లర్ ఇలా దర్శనమిచ్చాడు.

01/28/2017 - 21:22

చుట్టూ అందమైన వనాలు, వాటి మధ్య మెలి తిరిగిన పాములా కనిపిస్తున్న ఈ రహదారి రొమేనియాలో ఉంది. ఇక్కడ కనిపిస్తున్న అందమైన వనాలు.. దట్టమైన బొగొటా అటవీ ప్రాంతం. ఆ అడవుల మధ్యలోంచి వేసిన ఎక్స్‌ప్రెస్ వే ఇది. ద్రోన్ సహాయంతో తీసిన ఇలాంటి చిత్రాలలో ప్రపంచవ్యాప్తంగా సేకరించి ఉత్తమమైనవాటిని ‘ద్రోనిస్టాగ్రామ్’ పేరిట పోస్ట్ చేస్తున్నారు. అందులో ‘రోడ్ ఆఫ్ డ్రాక్యులా’ పేరిట పోస్ట్ చేసిన ఫొటో ఇది.

01/28/2017 - 21:21

అందాన్ని కాపాడుకోవడం అంటే మహిళలకు ఎంతో ఇష్టం. చూడచక్కని మోము చిన్నబోకుండా చూసుకోవడంకన్నా ముఖ్యమైన పని వారికి ఇంకోటి ఉండదు. బిజీబిజీగా ఉండే చైనా రాజధాని బీజింగ్‌లో మహిళల మనసూ అంతే. చల్లటి మంచు తుంపరల మధ్య రోజువారీ పనులు మానుకోవడం సాధ్యంకాని పని. బయటకు వెళితే మంచుతునకలు తగిలి ముఖవర్ఛస్సు పాడైపోతుంది.

01/22/2017 - 01:29

బంగ్లాదేశ్‌లోని తురగ్ నదీ తీరంలో లక్షలాది మంది ముస్లింలు జనవరిలో కలసి పండుగ (జాతర) జరుపుకోవడం ఆనవాయితీ. ప్రపంచంలోనే ఇది ఒక జాతి, మతం వారు జరుపుకునే అతిపెద్ద జాతరగా ప్రసిద్ధి చెందింది. ఇక్కడికి జనం ఎలా వస్తారంటే రైళ్లు కిక్కిరిసిపోయి లోపలా, పైనా ప్రయాణికులతో నిండిపోయేలా తరలివస్తారు. అలా వచ్చిన రైళ్లు ఇవి. చోటుకోసం ఈ ప్రయాణికుడిలా ఇలా ఒక రైలు మీంచి మరో రైలుపైకి గెంతడం అక్కడ సర్వసాధారణం.

Pages