నల్లగా ఉండే పెద్దతేళ్లను మనం బండ్రగప్పలని పిలుస్తాంకదా. మహా అయిదే రెండుమూడు అంగుళాలుంటాయి అవి. కానీ ఆఫ్రికాలోని అడవుల్లో కన్పించే 3ఎంపరర్ స్కార్పియన్స్2 ప్రపంచంలోనే అతిపెద్ద తేళ్లుగా చెబుతారు. అవి కనీసం 8 అంగుళాల వరకు పెరుగుతాయి. వీటి కొండెలు అతిపెద్దవి, భయంకరంగా ఉంటాయి. మెరిసిపోయే నలుపు, ముదురు నీలం లేదా అకుపచ్చ రంగులోనూ కన్పిస్తాయి.

చీమ కుడితే చురుక్కుమంటుంది. అంతేనా? అలా అంటే అమెరికన్లు ఒప్పుకోరు. ముఖ్యంగా రెడ్ ఫైర్ యాంట్స్ అంటే వారికి భయం..చిరాకు. అవి కుడితే కలిగే మంట అలా ఉంటుంది. పైగా పంటలకు అవి కలిగించే నష్టాలు వారికి పెద్దసమస్యగా మారిపోయింది. నిజానికి ఈ ఎర్రచీమలు వారి దేశానికి చెందినవి కావు. పొరపాటున ఓ ఓడనుంచి అమెరికాకు వచ్చి చేరాయి. పంటలకు చీడగా వీటిని ప్రభుత్వం ప్రకటించింది.

తలపై పసుపచ్చని పింఛం, తెల్లటి మేనిఛాయతో మెరిసిపోయే ఈ చిలుకలకు అందమే శత్రువుగా మారిపోయింది. పెంపకం, ప్రదర్శనల కోసం వీటిని అక్రమంగా పట్టుకుని విక్రయించడం, అవి మనుగడ సాగించలేకపోవడంతో గణనీయంగా వీటి సంఖ్య తగ్గిపోయింది. అధికారుల లెక్కల ప్రకారమే 1980-92 సంవత్సరాల మధ్య కనీసం లక్ష పక్షులను అక్రమ రావాణా చేయడం, అవి మరణించడం జరిగింది. ప్రస్తుతం ప్రపంచం మొత్తంమీద 7వేల పక్షులు మాత్రమే మిగిలాయని అంచనా.

ఈ సీతాకోక చిలుకల రెక్కలు అద్దంలా పారదర్శకంగా ఉంటాయి. అందుకే వీటిన గ్లాస్‌వింగ్ బట్టర్‌ఫ్లైస్ అని పిలుస్తారు. ఉత్తర, దక్షిణ అమెరికా దేశాల్లో ఇవి కన్పిస్తాయి. ముఖ్యంగా కోస్టారికా, మెక్సికోల్లో ఇవి ప్రత్యేక ఆకర్షణ. వీటి రెక్కల్లో రంగులు లేకపోవడం వల్ల అవి పారదర్శకంగా కన్పిస్తాయి. రెక్కల అంచుల్లో మాత్రమే ముదురు రంగులు ఉంటాయి. తేనె, పక్షుల రెట్టలు వీటి ప్రధాన ఆహారం.