తెలుగు, తమిళ చిత్రాల్లో అగ్ర హీరోలందరితో ఆడిపాడిన తమన్నా మరోసారి ప్రభాస్‌తో నటించబోతోందిట. వీరిద్దరి కాంబినేషన్‌లో వచ్చిన ‘రెబల్’, ‘బాహుబలి’ ప్రేక్షకులకు కనువిందు చేసిన విషయం తెలిసిందే. వీరిద్దరు తాజాగా నటించిన ‘బాహుబలి’ ఎంతటి విజయాన్ని నమోదు చేసుకుందో తెలిసిందే. ప్రభాస్ తాజాగా నటిస్తున్న చిత్రం ‘సాహూ’. యువి క్రియేషన్స్ సంస్థ నిర్మిస్తున్న ఈ చిత్రానికి సుజిత్ దర్శకుడు.

తెలుగునాట తన అందచందాలతో అందర్నీ ఆకట్టుకున్న అందాలతార రాశీఖన్నా తన దృష్టిని మలయాళంవైపూ కూడా మరల్చిందట. అతి తక్కువ కాలంలో టాలీవుడ్‌లో యమక్రేజ్‌ని సొంతం చేసుకున్న ఈ బ్యూటీ చూస్తుండగానే అగ్ర హీరోలతో జతకట్టింది. ముఖ్యంగా యువతరం క్రేజీ హీరోలతోనూ చిత్రాలు చేస్తూ కెరీర్‌లో రివ్వున దూసుకెళుతోంది. టాలీవుడ్‌తో పాటు ఇతర భాషల్లోనూ తనేంటో నిరూపించాలనుకుంటుందిట.

బాలీవుడ్ భామ కరీనాకపూర్ రీ ఎంట్రీ చేబోతోందిట! అవును.. నిజమే! నిజంగా నిజం. గత సంవత్సరం డిసెంబర్‌లో బాబుకు జన్మనిచ్చింది. తల్లిగా మారిన తర్వాత సినిమాలకు దూరంగా ఉంటూ వచ్చింది. అప్పుడప్పుడు వాణిజ్య కార్యక్రమాల్లోనూ, వివిధ వేడుకల్లోనూ పాల్గొంటూ అందర్నీ ఆకట్టుకుంది. గత ఏడాది విడుదలైన ‘ఉడ్తా పంజాబ్’ తన ఆఖరి చిత్రం. ఆ సినిమా తర్వాత మరే చిత్రంలోనూ కరీనా కనిపించలేదు.

అందాల భామ ప్రగ్యా జైస్వాల్ ‘కంచె’లో కనువిందు చేసి టాలీవుడ్ ప్రేక్షకుల్ని తన నటనతో ఆకట్టుకుంది. ఆ చిత్రం తర్వాత వరుస అవకాశాలతో బిజీ బిజీగా కెరీర్‌లో ముందుకు దూసుకెళుతోంది. తాజాగా ఈ భామ కృష్ణవంశీ ‘నక్షత్రం’లో ఓ కీలక పాత్రను పోషిస్తోంది. అంతేకాదు, బెల్లంకొండ శ్రీనివాస్ హీరోగా నటిస్తున్న చిత్రంలోనూ కథానాయికగా చేస్తోంది. వీటితో పాటు మరో అవకాశం కూడా ఈ అమ్మడి ఖాతాలో చేరింది.