కెరీర్‌ని ఎప్పుడు ఎలా మలచుకోవాలో ఈ బ్యూటీకి తెలిసినంత మరే తారకూ తెలియదంటే నమ్మశక్యం కాని నిజం. పింక్ సినిమా తర్వాత తాప్సీ రూటే సపరేటు. నిజానికి ఆమెలో హీరోయిన్ కంటే హీరోయిజం ఎక్కువగా ఉంటుంది. కొందరికి అది నచ్చకపోవచ్చు. కెరీర్ ఇప్పుడెలా వుంది? అని తాప్సీని కదిలిస్తే- ‘‘చాలా హ్యాపీగా వున్నా. ‘నామ్ షబానా’ నాకు నచ్చిన పాత్ర. అందరూ వావ్..తాప్సీ అంటున్నారు.

అందాలభామ కేథరిన్ ఆశలు ఇప్పటికీ నెరవేరడం లేదు. వెండితెరపై ఎన్నో ఆశలతో అడుగుపెట్టింది. ఎంతగానో ఎదిగిపోవాలని కలలుగన్నది. అయితే ఈ అమ్మడు అనుకున్న ఆశలు నీరుగారిపోయాయి. వచ్చిన అవకాశాలు వచ్చినట్టే వచ్చి చేజారిపోయాయి. చేసిన కొద్ది చిత్రాలే అయినా ఆయా చిత్రాల్లో పోషించిన క్యారెక్టర్లు మాత్రం నటిగా కేథరిన్‌కు మంచి పేరునే తెచ్చిపెట్టాయి.

అందాల భామ అనుష్కశర్మ నటించిన ‘పీకే’, ‘సుల్తాన్’ బాక్సాఫీస్ వద్ద భారీ విజయాల్ని అందుకోవడంతో మంచి ఊపుమీదుంది. బాలీవుడ్‌లో ఇప్పుడు అనుష్కశర్మ అంటే యమక్రేజీ. ఆమె నిర్మాతగా తెరకెక్కిస్తున్న రెండో చిత్రం ‘్ఫలౌరి’. ఇందులో అనుష్క ఆత్మగా నటించింది. కెరీర్ విషయంలో ఎప్పటికప్పుడు జాగ్రత్తలు తీసుకుంటూనే మంచి పాత్రలను ఎంపిక చేసుకుంటోంది. స్లో అండ్ స్టడీగా సాగిపోతున్న ఈ అమ్మడి కెరీర్ మంచి రేంజ్‌లో వుంది.

అవును.. ఇప్పుడు శృతిహాసన్ జోరుగా..హుషారుగా వుంది. అందుకు కారణం లేకపోలేదు.. పవన్‌కళ్యాణ్‌కు జోడీగా తొలిసారిగా ‘గబ్బర్‌సింగ్’లో ఆడిపాడింది. ఆ చిత్రం ఎంతటి ఘన విజయాన్ని అందుకుందో తెలిసిందే. ఆ విజయంలో శృతిహాసన్ పాత్రకూ మంచి మార్కులే పడ్డాయి. బాక్సాఫీస్ వద్ద జోరుగా కలెక్షన్లు రాబట్టిన ఆ చిత్రంలో నటించిన నటీనటులకూ మంచి ఇమేజే వచ్చింది. అయితే ఇప్పుడు మరోసారి పవర్‌స్టార్‌తో ఈ అందాలభామ జోడీ కడుతోంది.