అప్రభావిత సమాజంలో పౌరసత్వం ఆపాదించబడిన
అసమర్థ బడుగు జీవిని!
అణువణువు స్వార్థ కణాల కోలాహలం మధ్య
అమీబాలా చలిస్తున్న ఏకకణజీవిని
నేను చనిపోయాను మిత్రమా!
ఆగు! ఆగాగు!
అనవసరంగా నా మరణాన్ని ప్రకటించకు!

ప్రకృతిని సందర్శిస్తూ ఉంటే మనసు పరవశిస్తోంది
రంగురంగుల సీతాకోకచిలుకలా
పూవుపూవునా వాలి అందాన్ని చూడాలని వుంది
ఆకాశంలో ఎగురుతూ పండు పండునా వాలుతూ
రామచిలకలా దోరపళ్ళ రుచులు చూడాలని వుంది
కొమ్మకొమ్మకి ఎగబాకుతూ ఎగురుతూ
కుచ్చుతోక ఆడిస్తూ ముచ్చటైన మూడు గీతలతో
ముద్దుగొలిపే రామానుగ్రహం పొందిన ఉడుతలా
కొమ్మకొమ్మకి ఎగిరి పళ్ళు కాయలు రుచి చూడాలని వుంది

ఊరంటే... కొన్ని వీధులూ
యంకొన్ని యళ్ల సముదాయాలే కాదు,
కాసిన్ని ప్రేమలూ, పాశాలూ
ఆశలూ, ఆత్మీయతలూ కూడా!
అప్పటి వూరు... గంపెడు సంసారాల్ని
గుట్టుగా కడుపున దాచుకునే కోళ్లగంప!
పూరిళ్లూ మిద్దెలే గానీ, అవి ప్రేమ పందిళ్లు!
చెదిరిపోని అనుబంధాల చలువ పందిళ్లు!
గర్భగుడిలా - యళ్లు,
కాసింత యరుకుగానే ఉన్నా...

హక్కులెన్ని ఉన్నా
ప్రశ్నించే సత్తాలేనివాళ్లం
నోటుకు ఓటును
అమ్ముకొనే దౌర్భాగ్యులం
వాక్ స్వాతంత్య్రమున్నా
ఉబుసుపోని కబుర్లే చెప్పుకొంటాం
జీవించే హక్కున్నా
చచ్చి బ్రతుకుతుంటాం
హక్కు దక్కించుకోం
దోచేవాడ్ని ప్రశ్నించం
వానపాము నయం
ఉంటుంది ఎంతో కొంత చలనం
నాయకులు లక్షల కోట్లు దోచేస్తున్నా
మనది మన్నుతిన్న పాము చందం