ఆకలి నిద్ర
రెండు పెనవేసుకొని
పేదరికమై
పేవ్‌మెంట్ మీద పడుకుంటుంది

పగలు రాత్రి
రొదలు చెవికెక్కని
శ్రమ జీవితం...
దొరికిందేదో
కడుపుకీ, పరమాన్నమే నిత్యం
బతుకు ఎక్కడైనా
కష్టాల తొవ్వ నుంచి
నడవాల్సిందే

ఎప్పుడు భూమీద పడ్డారో
మట్టిగా మారేవరకు
శ్రమ కణమై
రగులుతుంటారు

మానవ సంచార జీవనానికి అవశేషమతడు
దేశదేశాలు సంచరించే దేశ దిమ్మరి
దిమ్మరి నుంచే అతడు దొమ్మరైనాడు
ఈ విశాల ప్రపంచంలో స్థిరంగా
ఉండడానికి జానెడు చోటులేనివాడు
వెనుకా ముందూ బలంలేని అనాథుడు
ఈ ఊరు నాది ఆ ఊరు నీదన్న
భేదాభేద చింతనాతీతుడు
ఊరూరు చెడ తిరిగిన వొఠ్ఠి సంచార జాతివాడు
ఒకనాడు రాజుల ఆస్థానాలలో
సామంతుల సంస్థానాల యందు

అన్యాయాన్ని సహించదు
న్యాయదేవత
అందుకే మరి
గంతలు కట్టుకుంది

బట్టలైనా మనసైనా
ఎండిపోయినట్టే
పూర్తిగా
తడారిపోయాక

కరెంటుంటే
కామన్ డిన్నర్
కట్టైతే
క్యాండిల్ లైట్ డిన్నర్!
లోకానికి
దృష్టి దోషం
ఖాకీలో వున్న
నిజాయితీ కనిపించదు.

మేఘం ఉరిమింది
మెరుపు మెరిసింది
కురిసింది జడివాన
అడవి తల్లి గుండెల్లో
ఉప్పొంగిన వాగులు
అడవి బిడ్డలు జబ్బు బారిన
రవాణా మృగ్యం
వైద్యం దూరం
కావడి మంచంలో రోగుల మోత
సుదూర పయనం
నడక
సమయానికి చేరితే
ఊపిరి దక్కు
లేనిచో ప్రాణం పోయే
పసిబిడ్డకి జ్వరం
చేసిన నాటు వైద్యం పారలే
పాలిథిన్ సంచిలో బిడ్డ