నిజమే. ఈ చిత్రంలో అచ్చం తోడేలులా కనిపిస్తున్నప్పటికీ వాటికీ దీనికీ పోలిక లేదు. ఇది కుక్క జాతికి చెందిన ‘కొయెట్’. కుక్కల తరువాత, తోడేలుకు ముందు జరిగిన పరిణామ దశకు సాక్ష్యం ఇవి. నక్కలా కుచ్చుతోక ఉంటుంది. పసుపురంగు కళ్లుంటాయి. నిటారైన గుండ్రటి చెవులతో వినికిడి శక్తి ఎక్కువ. మైలు దూరంలో ఆహారం లేదా శత్రువుల కదలికలను ఇవి పసిగట్టగలవు. ఈతలో ఇవి మేటి. గంటకు 65 కి.మి.

పెంపుడు జంతువులు, ఉడకని మాంసాహారం తినడం ద్వారా ఇతర జీవుల్లోకి చేరే పరాన్నజీవి టేపేవార్మ్. అతిధేయి తినే ఆహారాన్ని తిని బతికే టేప్‌వార్మ్ (బద్దెపురుగు) చాలా సన్నగా, తెల్లగా పొడవుగా ఉంటుంది. పెద్దచిన్న పేగుల్లో ఆశ్రయించి తన పబ్బం గడుపుకునే ఇవి అతిధేయి జీవిని బట్టి పొడవు పెరుగుతుంది. మనుషుల్లో నాలుగైదు అడుగుల మేరకు పెరిగితే కొన్ని జంతువుల్లో 30 అడుగుల మేర పొడవు ఉంటుంది.

ఉత్తర అమెరికా, కెనడాల్లో కనిపించే ఈ ‘రెడ్ కార్డినల్’ పక్షులను అలా పిలవడానికి అసలు కారణం తెలుసా. రోమన్ కాథలిక్ చర్చిలలో ‘కార్డినల్స్’ ధరించే వస్త్రాలు, టోపీ ఎర్రటి రంగులో ఉంటాయి. అలా ఎర్రటి రంగులో ఉండే ఈ పక్షులను కూడా ‘రెడ్‌కార్డినల్ బర్డ్స్’గా పిలవడం అలవాటైంది. కాంతివంతమైన ఎరుపు రంగుతో మెరిసిపోయే ఈ పక్షులు మగవి. ఆడపక్షులు ఇంత మెరుపు, ఎరుపుతో ఉండవు.

సాధారణ ‘్ఫంచ్’ పక్షులు ఒక్క ఆస్ట్రేలియాలో తప్ప ప్రపంచం అంతటా కనిపిస్తాయి. అక్కడి వాతావరణ పరిస్థితులు వాటికి అనుకూలం కాదు. నాలుగు ఉపజాతులు, 40 రకాల ‘్ఫంచ్’ పక్షుల్లో కామన్ ట్రూ ఫించ్ పక్షుల సంఖ్య ఎక్కువ. ఆడపక్షులు కాస్త లేత రంగుల్లో ఉంటే మగపక్షులు ఆకర్షణీయమైన రంగుల్లో ఉంటాయి. సాధారణంగా ఎర్రటి ముఖంతో ఉండే మగపక్షులంటే ఆడపక్షులకు ఎంతో ఇష్టం.